Bú pòaⁿ-poo bú 1 kù ōe, Italo Calvino ê 《Le Città Invisibili》 ê hoan-e̍k
siá tī téng-bīn ê PS（19/06/2023）：keng kòe poàn nî āu, koh tńg lâi khòaⁿ chit ê būn-tê, hoat hiān che kám m̄ sī kah chi̍t kù ū miâ ê ōe kâng kù-hêng neh？ Hit kù "Si impara facendo.（ná chò ná o̍h）" nā án-neh khòaⁿ góa jīn-ûi tō bô siáⁿ ho̍k-cha̍p ah：Il viaggiatore riconosce B scoprendo A. Lí-hêng-chiá hoat-kiàn tio̍h A, sêng-jīn（jīn-bat chhut）B. Góa chin chiàⁿ ài khah ū chū-sìn leh. *****（22/12/2022 ê lāi-iông） Kin-á-ji̍t beh lâi khòaⁿ chi̍t-tōaⁿ chi̍t-kóa lâng tiāⁿ-tiāⁿ-leh ín-iōng ê bûn-kù, ín chū I-ta-lī chok-ka Italo Calvino chin chhut-miâ ê sió-soat：《Le Città Invisibili》, góa kā hoan-e̍k chò Bô hêng-iáⁿ ê To͘-chhī（無形影 ê 都市, it-poaⁿ lóng hoan-e̍k 看不見的城市）, tē 2 pō͘-hūn khai-sí, Marco Polo hôe-tap Kubilai Tāi-ông ê ōe： “L'altrove è uno specchio in negativo. Il viaggiatore riconosce il poco che è suo, scoprendo il molto che non ha avuto e non avrà.” Chit-kù kî-si̍t góa tùi i bô siáⁿ kám-kak, góa ē khì chù-ì, chi̍t-khai-sí sī in-ūi góa khòaⁿ-bô hit-ê “uno specchio in neg