MIKHÈ ê 語言微量練習

o̍h gí-giân siáⁿ mih sî-chūn o̍h siáⁿ thêng-tō͘ ê bûn-hoat sī chin tiōng-iàu ê, chi̍t khai-sí o̍h ki-pún su-iàu--ê, bān bān thêng-tō͘ lú hó ê sî, ài chi̍t tiám chi̍t tih chū tha̍k, siá, thiaⁿ lāi khí o̍h koh khah chhim ê pō͘-hūn. M̄ thang thiaⁿ lâng kóng bûn-hoat bô tiōng-iàu gōa kok lâng lóng bô leh o̍h chi̍t khoán siáu-ōe. Bûn-hoat sī bô o̍h ē hāi lí gō͘-kái chi̍t kù ōe ê ì-sù chit chióng giâm-tiōng ê tāi-chì neh！  

Siūⁿ beh bé chi̍t pún chheh neh. Chèng-tī sió sû-tián. 8 hòe í siōng lóng ē tàng tha̍k.  https://ilmondodichri.com/piccolo-dizionario-della-politica/

28/03/2023 Kóng tō hit kiāⁿ Pazzo ê tāi-chì, góa tō siūⁿ-khí lēng-gōa chi̍t pái, tī Torino, thiⁿ-khì sī giông-giông beh lō͘ seh. Chin kôaⁿ. Góa siūⁿ tio̍h hit sî chi̍t ê pêng-iú kā góa pàng-chiáu, sim-chêng mā sī bô kái hó. Ka-kī chi̍t ê leh sē-ke. Tng leh khòaⁿ tiàm thâu ê mih-kiāⁿ ê sî, ū chi̍t ê lâng kā góa kóng Ciao. Góa tō oat-kòe kā khòaⁿ. Mā kah i kóng CIAO. I kóng “Sió-chiá, lí hó. Góa kám-ū êng-hēng kah lí chò pêng-iú？” Góa tō lán-lán kā hôe “Perchè？（Ūi siáⁿ mih）” I gāng chi̍t ê, kóng:”In ūi góa chin kah-ì lí ê khì-chi̍t kah lí khòaⁿ khí lâi ê hêng” Góa kóng：”O͘, to-siā neh. Chài-kiàn” tō kè-siok khòaⁿ tiàm-thâu. i soah bô hoat tō koh kóng loh-khí, lō͘-kháu tú hó chheⁿ-teng, i tō ām-niá giú leh, si̍p-si̍p kín kiâⁿ kóe. Góa āu lâi tī Napoli siōng khò tú tō chi̍t ê Canada ê tông-o̍h, i kóng i kám-kak góa tī Italy it-tēng tú kòe chin-chē chhù-bī ê tāi-chì, góa kóng tō chi̍t chān, i chhiò kah neh, kóng che nā chò chi̍t chhut té-phiⁿ ê iáⁿ-phìⁿ it tēng chiok sim-sek…Chiok Kôaⁿ！（

28/03/2023, Tâi-pak chhī. Kin-á-ji̍t chái-khí ê thiⁿ-khì chin sêng góa tē-it-pái ka-kī khì Italy ê Roma sî bó͘ chi̍t kang. Hit chái chhut lái sàn-pō͘, kín kiâⁿ hō͘ kín tōa, góa bô hō͘-sòaⁿ, chí hó khiā tiàm iá-bōe khui ê tiàm mn̂g-kháu bih-hō͘. Ū nn̄g ê Italy ê cha-po͘ ngiâ chi̍t ki hō͘-sòaⁿ, kín kiâⁿ kín khai-káng  tùi  thâu-chêng kiâⁿ kòe, in hoat-hiān góa khiā tī hia, koh tó-thè-lu kòe lâi kah góa kóng hit kù chhut-miâ ê Ciao Bella! góa hit tong-sî leh bih-hō͘, í-keng sī Khi-mo͘-chih bô kái giang. Chit nn̄g lâng m̄ sī lâi mn̄g ū su-iàu hō͘-sòaⁿ bô, soah sī lâi kah góa liān siáu-ōe. Góa tō má-siōng kā in hôe chi̍t-jī：Pazzo! Nn̄g lâng kiaⁿ chi̍t-tiô, phīⁿ-á bong—leh kín cháu.（hit sî tú khai-sí leh o̍h in ê ōe, bô siáⁿ ē hiáu siūⁿ ài iōng pazzo iah sī pazzi） Che tō sī góa khah chá ê lāu-su kà ê. I kóng si̍t chāi sī khòaⁿ bē loh hia ê bô-lâiu ê siáu cha-po͘ loān lâi, hāi chi̍t kóa gōa kok cha-bó͘ bô liáu-kái thiaⁿ loh sim-hoe loān khui. I tō kóng nā kám-kak chin hoân, bián kiaⁿ

Chái thiaⁿ chi̍t ê PODCAST（Learn Italian with Lucrezia Ep. 41, 16/11/2020） lāi bīn kóng tio̍h tī chi̍t ê chu-liāu lāi ū hoat hiān Italiani sú-iōng dialetto ū kiám-chió ê hiān-siōng. M̄-koh hit ê thóng-kè sī káu 10 nî chêng, chit-má ê chêng hêng tō m̄ chai. Góa ū khì chhōe tio̍h hit ê kong-ka chò ê thóng-kè, mā ū siūⁿ beh chhōe khah sin ê chu-liāu, m̄-koh iah bōe chhōe tio̍h. Hoán-tó sī chhōe tio̍h chit phiⁿ bûn-chiuⁿ. I sī khah lo̍k-koan. Góa tha̍k tio̍h chi̍t kù ōe kám-kak bē-bái, ài kì--khí-lâi. I kóng： Bat/ē hiáu hong-giân sī chi̍t chióng hù-ka ê kè-ta̍t......Sī chi̍t chióng châi-hù, m̄ sī chiòng-gāi... ōe sòaⁿ hit hâng jī (...) Conoscere e usare il dialetto è considerato un valore aggiunto , una risorsa comunicativa in più nel proprio bagaglio personale, a disposizione accanto all’italiano e di cui servirsi quando e dove lo si ritiene necessario. Una ricchezza, insomma, e non un impedimento .(...) fonte: Italiano vs dialetto. Come parlano gli italiani? di Noemi Calabrese|Pubblicato