Te lo faccio assaggiare/hō͘ lí phīⁿ phang chi̍t--ê
Thàn hioh tàu lâi siá chi̍t-kóa mih-kiāⁿ. Chòe kīn nā kóng tio̍h nn̄g, tō ū chiok chē hó chhiò ê tāi-chì thang kóng. Pí lūn kóng ū lâng kèng-jiân ē kā ke-nn̄g chú se̍k liáu āu nn̄g-jîn bô tī tiong-hng tóng chò sī pháiⁿ khì lâi chò iâu-giân thoân. Chit chiong tāi-chi ē-tàng tī 2023 nî hoat-seng tō soat-bêng kóng Tâi-oân lâng chin su-iàu lí-tī kap siông-sek. Hùi-ōe kàu chia. Chit-má beh kóng in-ūi nn̄g hō͘ góa siūⁿ khí--lâi ê Italiano sû. Lán chia̍h nn̄g ū chin chē chióng chia̍h hoat kap pó-chûn ê hong-hoat, kî tiong chi̍t chióng hō͘ chi̍t-kóa se-hong lâng thâu pái khòaⁿ tio̍h lóng kiāⁿ tio̍h（góa mā káⁿ kóng Tâi-oân-tó siōng mā ū lâng m̄ bat he sī siáⁿ） ê Phî-tàn 皮蛋. Chi̍t lia̍p o͘-o͘ koh ū kî-koài ê khì-bī, chia̍h khí--lâi koh khiū-khiū（góa pún lâng sī chin ài chia̍h Ph î -tàn） , Chit ê sî chūn "Nn̄g 卵" tō kóng chò "Tàn 蛋". M̄-koh che góa chá tō chai a, tian-tò sī "Phî" hit jī hō͘ góa hoat hiān goán tau kóng ê im lóng kap sû-tián ū sió-khóa cheng-chha
