MIKHÈ ê 語言微量練習

Chìn-chêng siá kóng góa chòe-kīn leh chò piàn-thài ê tho̍k-chiá leh tha̍k chi̍t-pún chheh, ín-ūi nā khòaⁿ tio̍h lâng hoan-e̍k ū thu̍t-chhê tiō hoaⁿ-hí kah, si̍t-chāi ū kàu piàn-thài. m̄-koh góa mā m̄-sī chi̍t khai-sí tiō chiá piàn-thài ah, it-chhè lóng-sī ín-ūi chhâ-chhōe m̄-bat ê só͘-chāi, khì chhōe hôa-gí hoan-e̍k lâi chham-khó, kiat-kó hoat-hiān e̍k-pún lāi ná-ē ū-sî Logic siōng lóng kóng bē thong, góa chiah ē khì chhōe kî-thaⁿ góa bat o̍h kòe ia̍h sī góa sió-khǒa tha̍k ū ē pán pún lâi pí tùi. Bô pí bô  táⁿ-kín, chi̍t pí tiō khòaⁿ tio̍h būn tê chi̍t-ê chi̍t-ê chhut hiān liāu...Kiat kó tiō hō͘ góa koat-tēng beh chim-chiok lâi khòaⁿ chit pún chheh. Hùi-ōe mài kóng, chit-má tiō lâi khoàⁿ chi̍t-ê chhù-bī ê. Ē bīn tē it tōaⁿ sī goân bûn, âng-sek ê pō͘-hūn sī ū-ê e̍k-chiá thu̍t-chhê ê só͘-chāi, khòaⁿ chi̍t-kóa būn-tê liáu-āu, kám-kak chò hoan-e̍k chin sin-khó͘. góa siūⁿ beh kā hoan-e̍k-chiá tah-tah-leh kóng：Nî, lé ler mā 你累了嗎？ I-ta-lì bûn （原文 goân-bûn/l'originale da Le Città Invisibil

“Si legge veramente un autore solo quando lo si traduce, o [quando] si confronta il testo con una traduzione.*” （Lán chí-ū chāi hoan-e̍k, ia̍h-sī tī leh pí-tùi goân-bûn kah e̍k-pún ê sî chiah sǹg sī chin-chiaⁿ leh tha̍k chi̍t-ê chok-chiá.） í-siōng sī I-ta-lì chok-ka Italo Calvino tī 1963 nî siá hō͘ chi̍t-ê Hoat-kok pian-chip ê phoe-sìn lāi bīn só͘ kóng ê ōe. -------- Góa iū koh chin kú bô siá sin lōe-iông--a. Chòe-kīn leh bô-êng chi̍t kiāⁿ tāi-chì: góa leh chò hoan-e̍k-chiá kah chhut-pán-siā pian-chip khó-lêng chin thó-ià ê hit khoán tho̍k-chiá, góa leh tha̍k chi̍t pún  I-ta-lì bûn ê  chheh, tha̍k goân-bûn ê kāng chi̍t ê sî-kan koh pí-tùi Eng-bûn e̍k-pún kah saⁿ chóng Hôa-bûn ê e̍k-pún. Chit kiāⁿ tāi-chì si̍t-chāi chin chhù-bī. In-ūi siuⁿ hó sńg, só͘-í i chha-put-to mā piàn-chò góa ta̍k-kang ài chò ê tai-chì chi it. Ta̍k kang chē chhia ê sî nā bô leh tha̍k kî-thaⁿ ê chheh, góa tō ē thê chhut pit-kì-phō͘-á tha̍k hia ê góa chìn-chêng i-keng siá khí lâi ê pō͘-hun kah chhâ hó ê sin-jī,