delfino put chí sī hái-ti-á ê ì-sù

Kin-á-ji̍t tha̍k chi̍t phiⁿ pò-tō ê sî, o̍h tio̍h hái-ti-á chit ê sû ê Italiano, delfino, ū lēng-gōa chi̍t ê ì-sù, tō sī “kè-sêng-jîn”.

lí nā khì Wordreference chhâ ē khòaⁿ tio̍h tû liáu hái-ti-á ê í-sù í-gōa i koh siá：

1. Il principe ereditario della monarchia francese.

（Hoat-kok hông-ka chú-iàu ê kè-sêng-jîn）

 

2. Discepolo di un personaggio spec. politico, ritenuto il suo più probabile successore.

（Bó͘-mih lâng ê tē-chú, tek-piat sī kóng chèng-tī hong-bīn ê, hō͘ lâng khòaⁿ chò sī siōng ū khó-lêng ê kè-sêng-jîn.）

Il delfino ū chit chân ì-sù m̄-chai sī-m̄-sī in-ūi hái-ti-á khah hó kà ê koan-hē？

Tha̍k tio̍h chit ê sû sī chū chi̍t phiⁿ I-ta-lī keng-chè ha̍k chiá prof. Giulio Sapelli ê hóng-mn̄g, i kóng I-ta-lī tùi Tiongkok bē-ēng-tit kún-sńg-chhiò, ài tiông-sin khó-lū chìn-chêng chhiam ê B&R（一帶一路）memorandum, I-ta-lī sī kóng Via della Sete（si-á lō͘）Chìn chêng chhiam che memorandum ê chóng-lí sī Giuseppe Conte, sī khah chhin Russia kah Tiongkok ê. Chāi mn̄g tio̍h Tiong-kok ūi siáⁿ-mih bô pān-hoat tùi Russia si-ap ê sî, i kóng Tiongkok siūⁿ beh tī Ucraina-Rissia chiàn cheng tiong ū eng-hióng la̍t, m̄-koh in lōe pō͘ ū bē chió bûn-tê. Só͘-í in ê siú-niá, Xi, chhōe i ê “kè-sêng-jîn” Wang Yi chhut--lâi, chit ê jī iōng tī chia:

Perché ritiene che Xi Jinping non possa esercitare in effetti una pressione efficace su Mosca?

（…）Per cui Xi, attraverso il suo delfino Wang Yi, cerca un accreditamento internazionale utilizzando il grimaldello del conflitto.（…）

ū khòaⁿ kòe kà Eng-gí ê lâng kóng tha̍k chheh, tha̍k bûn chiuⁿ o̍h sin-jī bô hāu-lu̍t, m̄-koh góa jīn-ûi án-ne o̍h tio̍h ê jî jī lán khah ē chin chiàⁿ liáu-kái i ê ì-sù kah iông hoat.

hit phiⁿ pò-tō ê link:
https://formiche.net/2023/02/cina-l-italia-non-si-illuda-prof-sapelli/