sotto casa
Khòaⁿ tio̍h chi̍t-ê iáⁿ-phìⁿ lāi-té kóng tō tī Italia ê siú-to͘ Roma thêng-chhia ê khún-kéng, hō͘ góa siūn khí tī hia tha̍k gí-giân ha̍k-hāu ê sî, ū chi̍t ê tong-tē ê pêng-iú hā-pan ê sî lóng ē chio góa khì chia̍h àm-tǹg. I hit sî tī ISTAT(Italia kok-ka thóng-kè kio̍k) siōng pan, he kong-ka-ki-koan tī lán koan-kong-kheh khì ê hit khu（centro storico）. Hia ê lō͘ lóng kó͘-chá ê lō͘, sè-sè tiâu-á, khòaⁿ--khí-lâi lóng sio-kâng. In-ūi chhia ūi chin pháiⁿ chhōe, ài sē kui-pòaⁿ-po͘ chiah chhōe ū. Góa chit-ê pêng-iú tō siōng sî-kiâⁿ tī chá-khí thêng hó chhia, hā-pan sî tō bē kì-tit chhia thêng tī tó-ūi. Ta̍k pái chia̍h àm-tǹg chìn-chêng lóng ài kah i tō ke-á lō͘ kiâⁿ kúi-loh-pái chiah ē chhōe tio̍h chhia......
-(…)Una notizia bellissima. Ha trovato un paccheggio sotto casa！
（ū chi̍t-ê chiok hó ê siau-sit. I tī chhù lâu-kha chhōe tio̍h chhia-ūi）
-O Signore! Ce l’ha fatta! Ce l’ha fatta!
（o͘h iau-siū, chin-chiàⁿ khì hō͘ chhōe tio̍h ah！）
-Non proprio sotto, ma sotto sotto！
Roma thêng chhia khùn-lân kàu ū lâng bat phah kòe chi̍t ê té-phiⁿ iáⁿ-phìⁿ, phìⁿ miâ hō-chò “Sotto Casa” （tī chhù lâu-kha）, kio̍k-chêng sī chi̍t-ê lâng hā-pan sái-chhia tńg-khì chhù nih, sái kàu lō͘ piⁿ, tú hó ū chi̍t ê chhia-ūi, i chiok pêng-chēng kā chhia thêng hó, hoaⁿ-hí kah tī chhia té Ai-ai-kiò, in-ūi hit-ê chhia-ūi tú hó tī in tau lâu-kha chiàⁿ-mn̂g kháu. I hoaⁿ-hí kah kā in bó͘ kóng beh lâi gōa-kháu chia̍h, kiò i ài loh lâi. Bo̍k-te̍k kî si̍t sī ài i khòaⁿ kin-á-ji̍t chhia thêng kah tú-tú-hó tī lâu-kha, i mā khah tiān-ōe kā pē bú pò hó siau-si̍t, koh koat-tēng beh seⁿ gín-á. In lāu-bú kám-tōng kah lâu-ba̍k-sái, Iáⁿ-phìⁿ siōng bóe in pē-bú ê tùi-ōe chin hàm：
-(…)Una notizia bellissima. Ha trovato un paccheggio sotto casa！
（ū chi̍t-ê chiok hó ê siau-sit. I tī chhù lâu-kha chhōe tio̍h chhia-ūi）
-O Signore! Ce l’ha fatta! Ce l’ha fatta!
（o͘h iau-siū, chin-chiàⁿ khì hō͘ chhōe tio̍h ah！）
-Non proprio sotto, ma sotto sotto！
（M̄ sī tī lâu-kha niāⁿ-niāⁿ, sī tú-tú-hó tī in ê chhù lâu-kha！）
Commenti
Posta un commento