Ba̍k-chiu kô͘ tio̍h siáⁿ？

Thâu-tú-á thiaⁿ tio̍h--ê, Easy Italian 77chi̍p, 17hun52bió khai-sí ū chi̍t-ê tòa-tī Hoat-kok ê Tâi-oân lâng, Miu, hun-hiáng chi̍t kù kap Italiano chi̍t ê kóng-hoat chin kâng ê Tâi-oân ōe：Ba̍k-chiu kô͘ tio̍h lâ-á bah. 目睭糊著蜊仔肉. I kóng che ì-su kap italiano ê "avere gli occhi foderati di prosciutto" sio kâng. （ba̍k-chiu khàm tio̍h ハム）.

Sui-jiân nn̄g kù lóng ū khòaⁿ bē chheng sū-si̍t ê ì-su, m̄-koh m̄-sī oân-choân lóng kâng-khoán. lán ê "Ba̍k-chiu kô͘ tio̍h lâ-á bah", ū tām-po̍h-á bô-tú-hó, khòaⁿ bē chheng. Italiano ê ū sū-si̍t tī hia,  ka-kī bô siūⁿ beh chiap-siū ê chêng-hêng. 

In chit-kù "avere gli occhi foderati di prosciutto" hó sńg ê só͘-chāi tō si̍ in-ūi che sī chi̍t chióng pí-lūn ê sû, só͘-í ū lâng mā ē iōng Salami, iōng Pane lâi thè ōaⁿ Prosciutto. Lēng gōa mā tàng kóng sī : avere le testa fra le nuvole (thâu-khak khǹg tiām hûn lāi)

ps.

Chit ê "Easy Italian" podcast mā ū youtube, sī phó͘-thong sî se̍k-sāi italiano chin hó ê koán-tō.

Ē bīn sī chi̍t ê kái-soeh Ba̍k-chiu khàm tio̍h ハム chu-goân:

https://www.vocabolariofiorentino.it/lemma/prosciutto-presciutto/3171