lo̍h kòe hō͘ ê khì-bī

Kin-á-ji̍t ē po͘ lo̍h tōa hō͘ kòe āu, chē tiàm mn̂g-tiâⁿ khòaⁿ ji̍t-thâu tī phú-sek ê hûn āu thàm-chhut--lâi, nn̄g chiah niau-á tī kha piⁿ sô-lâi-sô-khì, phīⁿ tio̍h lo̍h kòe hō͘ ê khì-bī, niau-á ê khì-bī...tō siūⁿ tio̍h Italo Calvino hit pún Le città invisibili lāi chi̍t khai-sí ê chi̍t tōaⁿ, kóng àm-thâu-á lo̍h kòe hō͘ khong-khì tiong ū tōa-chhiūⁿ ê khì-bī：

 
(...)Chāi tè-ông ê it-seng tiong, chóng-sī ū chi̍t-poàn-ê-á sî-chun, tiō chiap-sòa chāi lán tùi-tio̍h lán só͘ phah-lo̍h-lâi ê tōa-phiàn kang-san kám-kak kiau-ngō͘ ê sî-chun, mā chāi lán liáu-kái tio̍h, chin-kín lán tiō ê hòng-khì khì jīn-bat kah se̍k-sai hia-ê só͘-chāi, só͘-í kám-kak iū-būn koh khin-sang ê sî-chun；ē ū chi̍t-khoán kám-kak giâ-khí-lâi, ná-chhan-chhiūⁿ beh-ám-á-sî lo̍h-kuè-hō͘ liáu-āu, khong-khì lāi-bīn ū tōa-chhiūⁿ ê chhàu-hiàn, ia̍h-sī ná tôaⁿ-hiuⁿ ê hiuⁿ-hu tiàm-chāi hiuⁿ-lô͘ té léng-khì ê khì-bī hit-chiòng ê khang-hi; na chi̍t-chūn thâu-hîn-ba̍k-ám（...）

Í-siōng hoan-e̍k chū Italo Calvino <Le città invisibili>(bô hêng-iáⁿ ê siâⁿ-chhī), ē bīn sī goân bûn.

da Le città invisibili di Italo Calvino

(...) Nella vita degli imperatori c’è un momento, che segue all’orgoglio per l’ampiezza sterminata dei territori che abbiamo conquistato, alla malinconia e al sollievo di sapere che presto rinunceremo a conoscerli e a comprenderli; un senso come di vuoto che ci prende una sera con l’odore degli elefanti dopo la pioggia e della cenere di sandalo che si raffredda nei bracieri; una vertigine (...)