ū chúi-chún ê seng-oa̍h kap gōa-kok ím-si̍t

Kúi nî chêng bat tú kòe chi̍t-ê chū jīn ū chúi-chún ê hó-gia̍h-lâng, í thiaⁿ tio̍h góa bô-siáⁿ ài chia̍h Italia ê chhài, tō ké-sian-sian（con la sua parlata snob） kóng “Mā sī lah, lâng ài seng-oa̍h chúi-chún ū kàu chi̍t-ê koân-tō͘ chiah ē-hiáu him-sióng Italia ê sit-bu̍t.”

Siáⁿ？

Thiaⁿ i leh pàng-phùi！Italia ê sán-chhiah-lâng mā sī chia̍h Spaghetti, gnocchi......chia ê ū-ê-bô-ê Italia si̍t-bu̍t. Ài chia̍h Italia ê chhài kah seng-oa̍h chúi-chún ê koân-tō͘ ū siáⁿ koan-hē？

M̄-koh mā sī lah, lán nā sī chi̍t ê tùi ka-kī ê bûn-hòa, seng-oa̍h, kè-tat lóng bô ì-sek, bô jīn-bat ê lâng, tō ē ū khó-lêng sàn kah chhiūⁿ i án-neh, tán kah chîⁿ ū, seng-oa̍h hó ê sî, chiah chai him-sióng koh chióng bô kâng ê tāi-chì.

Góa tī o̍h chit ê gí-giân ê kòe-têng tiong tú tio̍h chiok chē kî-koài ê lâng, thiaⁿ kòe chi̍t-tui hàm-kó͘ ê ōe, hō͘ góa sèng-tē lú-lâi-lú-bái. Nā thiaⁿ lâng kā góa kóng i chin ài Italia góa tō sim lāi kā phah chhe-á, chiù-chhàm i khì tē-ga̍k（la/lo mando a quel paese! ）!

Kî-si̍t góa khah ài chia̍h ê sī Messico ê chhài.

ps.

hit ê lâng ū jōa hám lín kám chai？He sī lâng siāu-kái hō͘ góa sek-sāi, kóng i sī kim-chú ē tàng tâu-chu góa ê kè-ōe. I chi̍t khai-sí kóng i ū chin chē Italia ê hó pêng-iú. Mā tiāⁿ-tiāⁿ khì hia, m̄-koh kóng tio̍h Italia ê im-ga̍k, i soa kóng Italia ê lâng kám m̄-sī lóng thiaⁿ Opera, in ná ū liû-hêng ko-á neh？ góa tō siūⁿ che 『還好啦』, ū khó-lêng i só͘ kóng ê Italia hó pêng-iú lóng sī koài-kha. 

Āu-lâi koh kóng in tau ū iû-théng, tiāⁿ-niāⁿ chhut-hái chhit-thô͘, in mā sì-siông chio pêng iú khì 101 téng-thâu khui phín-chiú party. tō sī kóng i chin ū 『品味』. Góa sī bô siáⁿ hèng-chhù. Tī chhan-thiaⁿ tiám-chhài ê sî góa m̄ sī tiám Spaghetti, tō kóng tio̍h chia̍h-mih, i kā góa kóng téng thâu hit kù, chin si̍t-keh ê ōe. Āu lâi leh kóng kè-ōe ê sî, i kóng i beh bē Italia ê ka-pi. Kiat kó i kéng jiân kóng chhut Espresso beh iōng chóa-poe-á 『外賣』 chit khoán ài kā phòaⁿ hêng lia̍h khì koaiⁿ ê ōe.

la/lo mando a quel paese! tō sī góa kiò i khì sí-sí-leh khah hó lah