MIKHÈ ê 語言微量練習

Chòe-kīn sim-chêng bô kái hó. Siūⁿ beh mài koh chia̍h thâu-lō͘ ah, m̄-koh bô pān-hoat, su iàu thàn-chîⁿ. Siūⁿ kóng chhut-kok hó a, chit-má ki-phiò kùi kah…Kî si̍t sui-jiân kap Italia ū chi̍t-kóa 愛恨情仇, mā sī ē siáu-liām hia ê tāi-chì. Chanhng án-neh leh siūⁿ ê sî, siūⁿ khì chi̍t kù Tek bûn：ich habe Fernweh! Tō sī hit khoán ê sim-chnêg. Chái tha̍k chheh ê sî, tha̍k tio̍h chi̍t tōaⁿ, ná chhan-chhiūⁿ leh kóng góa leh. Che sī Italia chok-ka Antonio Tabucchi tī i ê chheh lāi leh ín-sut Portohese chok-ka Sophia de Mello Breyner Andresen(1919-2004) ê ōe： “Mi ha preso una voglia enorme di viaggiare. Ma soprattutto volevo tornare in Grecia, che per me era stata l’incantamento totale e puro e dove mi ero sembra libera e con le ali.” “Góa ū chi̍t chióng chiok kiông-lia̍t, chiok siūⁿ beh lí-hêng ê ì-tô͘. Siōng chú-iah ê sī siūⁿ beh koh tńg-khì Hi-la̍h. in-ūi góa tùi hia sī oân-oân-choân-choân ê chùi-sim, tī hia, góa kám-kak ná ū siang si̍t hia nih chū-iû.” Góa mā chiok siūⁿ beh chhut-khì cháu-chá...

Cha-hng tī INSTAGRAM khòaⁿ tio̍h chi̍t-ê tī Italia ê Tâi-oân lâng（mā khó lêng sī Tiong-kok lâng）PO chi̍t-ê iáⁿ-phìⁿ, chi̍t khai-sí sī iōng Eng-gí kóng In Italy we don’t say...we say...kàu chia tō chián-chiap ōaⁿ lēng-gōa chi̍t-ê lâng iōng Italiano liām chi̍t siú si, i mā ū phòe Hôa-bûn hoan-e̍k. Ū lâng tō kā PO bûn ê pán-chú mn̄g kóng “Kám ū goân bûn？” Góa í-ûi pán-chú ê tah chhut--lâi. M̄-koh i soah kóng “Bô neh, Goân bûn chin tn̂g, bô pān-hoat PO”.  He si kî-si̍t té-té-a, góa tō kā thiaⁿ-siá loh--lâi, khì bāng-lō͘ chhâ khòaⁿ ū chèng-khak--bô. Kiat-kó chiah chai he sī Giuseppe Ungaretti ê si. Góa tú-hó ū chi̍t pún i ê si-chip, lāi bīn mā ū hit siú si. He si sī bô kái khùn-lân, góa iōng thiaⁿ-ê tō kái chheng-chhó, m̄-koh ū khó-lêng sī góa khah chiap leh thiaⁿ só͘-í thiaⁿ ū. Góa pún-lâi siūⁿ kóng mn̄g ê hit-ê lâng nā sī pún sin mā leh o̍h Italiano, i kî-si̍t eng-kai ài kap góa kâng-khòaⁿ ka-kī seng iōng thiaⁿ-siá kā kì loh--lâi, chiah koh khì chhâ, chóng sī pí kan-na mn̄g lâng ū...

Cha-hng khòaⁿ tio̍h chi̍t tiâu sin-bûn kóng ū chi̍t-ê koān-chhī, sit-si siang-gí （eng-gí）kàu-ha̍k nn̄g nî, kiat-kó sī gōa-kok lāu-su leh kóng-ōe, 100 ê ha̍k-seng ka-na 1 ê lâng thiaⁿ ū. Chit tiâu sin bûn hiông-hiông khòaⁿ ē kám-kak chiok hàm. Sī kóng lí koh siūⁿ chi̍t--ê khòaⁿ māi leh, ha̍k seng gín-á nā pêng siông sî lóng bô leh iōng Eng-gí kóng ōe, tha̍k chheh, koh ka-siōng gín-á o̍h eng-gí iah m̄ sī chū chhut sì tō chiap chhiok tio̍h, lí beh án-chóaⁿ kiò in thiaⁿ ū gōa-kok lāu-su chiâu iōng eng-gí siōng-khò？iōng Hôa-gí tō bô it-tēng lóng thiaⁿ ū ah. Góa ū chi̍t pái siūⁿ kóng ka-kī eng-gí bô kài-hó, tō khì pó͘-si̍p-pan pò-miâ, kiat-kó pit-chhì liáu koh kap gōa-kok lāu-su kháu-chhì, i kiàn-gī góa khì siōng lâng beh liû-ha̍k siōng ê IELTS, he khah ha̍h góa ê thêng-tō͘, koh ē-tàng chò koh hong-bīn ê hùn-liān, tông-o̍h mā lóng gián-kiù-só͘ ê, thêng-tō͘ khah chê. Góa siūⁿ mā hó, in nā jîn ûi góa thêng-tō͘ ū kàu tha̍k hit khoán pan, góa mā bô ì-kiàn. Góa siōng chi̍t kî IELTS ê khò, mā...