Piove, governo ladro！Lo̍h hō͘ mā koài chèng-hú
Chái khí khòaⁿ tio̍h chi̍t tiâu sin-bûn kóng chi̍t ê beh chham soán ê lâng leh kóng bó͘-mi̍h lâng ē thè-chhut i ka-kī chìn-chêng chhòng li̍p ê chèng-tóng, khì ka ji̍p lêng gōa chi̍t ê chèng-tóng, goân-in sī in-ūi chip-chèng-tóng piàn ah.
Lán Tâi-oân tī hiān-chú-sî chip-chèng ê chèng-tóng（2023 chip-chèng ê sī DPP）kap kî-tha khah chhín Tiong-kó ê chèng-tóng lí liām sī lóng bô-kâng ê, hit ê ōaⁿ tóng ê chèng-kheh ki-pún sī bô siáⁿ goân-chek, ia̍h nā hit ê kóng lâng thè tóng sī in-ūi chip-chèng-tóng piàn loh ê lâng, sī chi̍t ê beh chhut lâi chham soán ê gē-jîn, i ê li̍p-tiûⁿ mā sī chin sú lâng giâu-gî. M̄ koán án-chóaⁿ, i ê kóng hoat hō͘ góa siūⁿ tio̍h chi̍t kù chhù-bī ê ōe：
Piove, governo ladro！
（Lo̍h hō͘ ah ò͘, chi̍t ê chha̍t-á chèng-hú neh...）
piove: lo̍h hō͘, chit ê tōng-sû goân-hêng sī piovere.
il governo：chèng-hú
il ladro：chha̍t-á
Thiaⁿ kóng chit kù ōe sī 1860 nî chiah chhut-hiān tī Italia Torino ê pò-chóa téng bīn. Torino sī in khah chá ê siú-to͘, kôaⁿ-thiⁿ kôaⁿ--kah, hiah mā chin gâu lo̍h hō͘, góa khòaⁿ kòe ê chú-liāu kóng hit sî pò-chóa téng tō sī khǹg chi̍t tiuⁿ leh lo̍h-hō͘ ê siòng-phìⁿ, lāi té chi̍t ê kang-lâng leh khòaⁿ thiⁿ, piⁿ-á tō siá che “Piove, governo ladro！”.
Chit kù “Piove, governo ladro！”sī iōng lâi keng-thé lâng siáⁿ tāi-chì lóng koài chèng-hú, che m̄ nā sī Italia, góa sè-hàn sî mā sī tiāⁿ-tiāⁿ thiaⁿ tōa lâng siáⁿ mē-mē leh tō ē ka chi̍t kù “chha̍t-á chèng-hù”, chí sī Tâi-oân bîn-chú kiâⁿ kàu kín-á-ji̍t, beh chham chèng ê lâng iáu koh ū kúi-cha̍p nî chêng siáⁿ lóng chèng-hú m̄ tio̍h ê sim-thāi, liân bô koan-liân ê mā ngē khan chò-hóe...chin sī chia̍h la̍t！
Lán Tâi-oân tī hiān-chú-sî chip-chèng ê chèng-tóng（2023 chip-chèng ê sī DPP）kap kî-tha khah chhín Tiong-kó ê chèng-tóng lí liām sī lóng bô-kâng ê, hit ê ōaⁿ tóng ê chèng-kheh ki-pún sī bô siáⁿ goân-chek, ia̍h nā hit ê kóng lâng thè tóng sī in-ūi chip-chèng-tóng piàn loh ê lâng, sī chi̍t ê beh chhut lâi chham soán ê gē-jîn, i ê li̍p-tiûⁿ mā sī chin sú lâng giâu-gî. M̄ koán án-chóaⁿ, i ê kóng hoat hō͘ góa siūⁿ tio̍h chi̍t kù chhù-bī ê ōe：
Piove, governo ladro！
（Lo̍h hō͘ ah ò͘, chi̍t ê chha̍t-á chèng-hú neh...）
piove: lo̍h hō͘, chit ê tōng-sû goân-hêng sī piovere.
il governo：chèng-hú
il ladro：chha̍t-á
Thiaⁿ kóng chit kù ōe sī 1860 nî chiah chhut-hiān tī Italia Torino ê pò-chóa téng bīn. Torino sī in khah chá ê siú-to͘, kôaⁿ-thiⁿ kôaⁿ--kah, hiah mā chin gâu lo̍h hō͘, góa khòaⁿ kòe ê chú-liāu kóng hit sî pò-chóa téng tō sī khǹg chi̍t tiuⁿ leh lo̍h-hō͘ ê siòng-phìⁿ, lāi té chi̍t ê kang-lâng leh khòaⁿ thiⁿ, piⁿ-á tō siá che “Piove, governo ladro！”.
Chit kù “Piove, governo ladro！”sī iōng lâi keng-thé lâng siáⁿ tāi-chì lóng koài chèng-hú, che m̄ nā sī Italia, góa sè-hàn sî mā sī tiāⁿ-tiāⁿ thiaⁿ tōa lâng siáⁿ mē-mē leh tō ē ka chi̍t kù “chha̍t-á chèng-hù”, chí sī Tâi-oân bîn-chú kiâⁿ kàu kín-á-ji̍t, beh chham chèng ê lâng iáu koh ū kúi-cha̍p nî chêng siáⁿ lóng chèng-hú m̄ tio̍h ê sim-thāi, liân bô koan-liân ê mā ngē khan chò-hóe...chin sī chia̍h la̍t！
Commenti
Posta un commento