dobbiamo essere democratici sempre in allarme/lán pit su-iàu chò éng-oán kín-sīn ê bîn-chú-chú-gī-phài

Chòe-kīn lán Tâi-oân hoat-seng bē chió tāi-chì, koh sī chi̍t kiāⁿ pí chi̍t kiāⁿ koh khah giâm-chùn. Lán Tâi-oân it-tit chhù chāi chi̍t chióng gûi-ki chitiong, che sī Tâi-oân lâng lóng eng-kai ài jīn chheng ê tāi-chì. Chit pái lán Li̍p-hoat-īⁿlāi hoat-seng ê tāi-chì, tō ná ha̍k-chiá só͘ kóng ê sī chèng-piàn. （中研院學者吳叡人:藍白以立法權發動政變 https://youtu.be/A-KOXPU9XqM?si=uRosx9fahavpbLXZ）

Chit khoán ê gûi-ki, hō͘ góa lóng ē siūⁿ beh kā góa bat tha̍k kòe ê chi̍t tōaⁿ ōe thê chhut lâi khòaⁿ.

Che sī chi̍t tōaⁿ tō-lí chin kán-tan ê ōe, sī tī 1958 nî, Italia ê ha̍k-chiá Norberto Bobbio hoat-piáu tī "Risorgimento" chit-ê cha̍p-chì siōng ê pò-kò, chú-tê sī Bîn-chú. I thê-chhíⁿ tak-ê ài sî sî chù-ì, siú-hō͘ bîn-chú, in-ūi bîn-chú sī ài khì phah piàⁿ chiah ū ê, m̄ sī chē leh tán tō ē ka-kī ē tùi thiⁿ-téng lak loh lâi ê. Lán chit-má sui jiân sī seng-oa̍h tī bîn-chú ê kok-ka, m̄-koh nā bô sè-gī, lán ê bîn-chú mā ē sit-khì. Só͘-í góa beh koh kā chit tōaⁿ ōe thê chhut lâi, hō͘ lán m̄-bat chhin-sin keng-kòe cheng-chhú bîn-chú ê thòng-khó͘ ê lâng, ài ē kì-tit, Lán pit-su-iàu chò chit ê éng-oán kín-sīn ê bîn-chú-chú-gī-chiá！
Ēn-bīn tō sī chit tōaⁿ ōe, pe̍h-ōe-jī góa khǹg tī italiano goân-bûn chi āu：

“(…)Quando parliamo di democrazia, non ci riferiamo soltanto a un insieme di istituzioni, ma indichiamo anche una generale concezione della vita. Nella democrazia siamo impegnati non soltanto come cittadini aventi certi diritti e certi doveri, ma anche come uomini che debbono ispirarsi a un certo modo di vivere e di comportarsi con se stessi e con gli altri. (…)
(…)Una democrazia ha bisogno, certo, di istituzioni adatte, ma non vive se queste istituzioni non sono alimentate da saldi principi. Là dove i principi che hanno ispirato le istituzioni perdono vigore negli animi, anche le istituzioni decadono, diventano, prima, vuoti scheletri, e rischiano poi al primo urto di finire in polvere. Se oggi c' è un problema della democrazia in Italia, è più un problema di principi che di istituzioni. A dieci anni dalla promulgazione della costituzione possiamo dire che le principali istituzioni per il funzionamento di uno stato democratico esistono. Ma possiamo dire con altrettanta sicurezza che i principi delle democrazia siano diventati parte viva del nostro costume?

Non posso non esprimere su questo punto qualche apprensione. Il cammino della democrazia non è un cammino facile. Per questo bisogna essere continuamente vigilanti, non rassegnarsi al peggio, ma neppure abbandonarsi ad una tranquilla fiducia nelle sorti fatalmente progressive dell' umanità. Oggi non crediamo, come credevano i liberali, i democratici, i socialisti al principio del secolo, che la democrazia sia un cammino fatale. Io appartengo alla generazione che ha appreso dalla Resistenza europea qual somma di sofferenze sia stata necessaria per restituire l' Europa alla vita civile.
La differenza tra la mia generazione e quella dei nostri padri è che loro erano democratici ottimisti. Noi siamo, dobbiamo essere, democratici sempre in allarme.(…) （Norberto Bobbio 1958）

Lâi-goân：
http://www.lavocedifiore.org/SPIP/article.php3?id_article=3878

Góa ê Pe̍h-ōe-jī hoan-e̍k：

（...）Lán leh kóng Bîn-chú ê sî, m̄-nā sī leh kóng chi̍t thò chè-tō͘, lán mā sī leh kóng chi̍t chióng phó͘-phiàn ê seng-oa̍h lí-liām. Tī bîn-chú chi-tiong, lán m̄-nā- sī tan-tan chò chi̍t-ê ū koân-lī kap gī-bū ê kong-bîn, lán mā tông-sî sī chi̍t-ê lâng, pit-su-iàu í it-tēng ê hong-sek lâi seng-oah, tùi-thāi ka-kī í-ki̍p kap kî-tha ê lâng sio lâi-óng.（...）
Khak-si̍t bîn-chú su-iàu sek-tòng ê chè-tō͘, m̄-koh nā-sī chia-ê chè-tō͘ bô ún-kò͘ ê goân-chek lâi kā chu-ióng, i mā sī bô hoat-tō͘ seng-chûn. Nā-sī kek-lē chia-ê chè-tō͘ ê goân-chek tī in ê lêng-hûn lāi té sit khì liáu oa̍h-le̍k, chia-ê chè-tō͘ mā ē pang-pāi, i siú-sian sī piàn chò chi̍t-kóa khang kut-kè-á, sòa-loh-lâi tō ē chi̍t khap tio̍h tō͘ hu-hu-khì. Nā sī beh kóng kin-á-ji̍t Italia ê bîn-chú chûn chāi tio̍h būn-tê, he tō sī goân-chek ê būn-tê khah tōa kòe chè-tō͘ ê būn-tê. Lán ê Hiàn-Hoat hoat pò͘ cha̍p nî í lâi, lán ē ēng--ê kóng chi̍t-ê bîn-chú kok-ka ūn-chok ê chú-iàu chè-tō͘ í-keng chûn-chāi ah, m̄-koh, lán kám ē-thang kâng-khoán khah-tēng lâi kóng, bîn-chú ê goân-chek kám ū piàn chò lán seng-oa̍h si̍p-koàn tiong thiàu-that ê chi̍t pō͘-hūn neh？（...）

Tùi chi̍t hong-bīn lâi kóng, góa bē tàng bô lâi piáu-sī chi̍t-kóa góa ê hoân-ló͘. Bîn-chú ê lō͘-tô͘ pèng m̄ sī chi̍t tiâu hó kiâⁿ ê lō͘. Só͘-í lán tō ài kè-sio̍k chù-ì, m̄-thang pàng hō͘ i ok-hòa khì, mā m̄-thang hòng-sim khò-sè khì sìn-lāi jîn-lūi it-tēng ê chìn-pō͘ ê chit-chióng ūn-miā. Lán kim-ji̍t bô chhiūⁿ chit ê sè-kì tú khai-sí hit sî ê chū-iû-chú-gī-phài, bîn-chú-phài kap siā-hōe-chú-gī-phài án-neh khì siong-sìn kóng bîn-chú sī chi̍t tiâu it-tēng ê kiâⁿ tio̍h ê lō͘. Góa chi̍t tāi ê lâng, goán sī chū Au-chiu ê Té-khòng-ūn-tōng chi-tiong liáu-kái tio̍h, lán beh ài hō͘ Au-chiu tiông-sin hôe kàu bûn-bêng ê seng-oa̍h sī su-iàu jím-siū chin tōa ê khó͘-lān ê.
Goán chit pòe kap goán lāu-pē in hit pòe bô kâng ê só͘-chāi, tō sī in sī lo̍k-koan ê bîn-chú-chú-gī-phài, iah nā goán, goán tō sī, goán mā pit su-iàu sī éng-oán kín-sīn ê bîn-chú-chú-gī-phài. （Norberto Bobbio 1958）


>>>>
Hō͘ góa ka-kī ê chù-kì：

1.Istituzione （https://dizionari.repubblica.it/Italiano/I/istituzione.html）
chè-tō͘
Tutto ciò che è istituito dall'uomo ed è regolato da leggi e normative civili o religiose, in opposizione a ciò che è naturale: istituzioni sociali, politiche, religiose; istituzioni giuridiche, quali il matrimonio e la famiglia; un'antica i. cittadina

2.al primo urto, tú khap tio̍h

3.parte viva : thiàu-that跳踢(活躍) ê chi̍t pō͘-hūn