Farsi il culo quadrato: piàⁿ kah kha-chhng piàn sì-kak-hêng
Chòe kīn thiaⁿ chi̍t-ê Italiano ê podcast, thiaⁿ tio̍h chi̍t-ê iōng sû hō͘ góa chin hó͘ⁿ-hiân, góa tō khai chi̍t-kóa sî-kan lâi chhâ chit-ê sû： farsi un mazzo.
He sī chi̍t-ê ūn-tōng ê podcast, chú-chhî-jîn leh kóng lán chò siáⁿ tāi-chì beh sêng kong bô sian-tan miāu-io̍h, lóng sī ài chin phah-piàⁿ, per essere brava in qualsiasi mestiere ti devi fare un mazzo, anche per avere bel fisico, ci vuole lavorare pazzesco, góa thiaⁿ tio̍h ê tāi-khài sī án-neh ê lōe-iông.
Kî tiong tō sī "farsi un mazzo" sī góa m̄ bat ê. Góa ū chhōe kòe chi̍t-kóa bāng-chām, chai iáⁿ he tō sī leh kóng chi̍t-ê lâng khai chin chē sî-kan, chin chē kang-hu, chin chia̍h-la̍t, piàⁿ sìⁿ-miā leh chò chi̍t kiāⁿ tāi-chì. I ū 2-3 ê kóng hoat: "farsi il culo”, "farsi il mazzo”, "farsi un culo”, "farsi un mazzo”, mā ē tàng tī āu-bīn ka chi̍t-kóa sû lâi ka kiông, chhiūⁿ "quadrato”（sì-kak hêng）, "a tarallo”（tarallo hit hêng-ê）, "così”（jî chhú/án-neh）. Kî-tiong siōng chhù-bī ê góa kám-kak sī "quadrato" .
Góa khòaⁿ tio̍h chi̍t-ê lē-kù kóng：Mi son fatto un culo quadrato per rimettere a nuovo la mia macchina, ma ne è valsa la pena. （Sui-jiân góa piàⁿsìⁿ-miā hoan siu góa ê chhia, m̄ koh che mā sī chin sǹg ē hô-ê）Hit jī “quadrato” sī sì-kak hêng ê ì-sù, nā tùi jī bīn lâi khòaⁿ tō sī Góa piàⁿ kah kha-chhng piàn sì-kak hêng ê lâi hoan sin chhia......che iōng siūⁿ ê tō chin hó chhiò. I he kóng tō sī leh kiông tiāu chin piàⁿ, piàⁿ kah kha-chhng lóng piàn hêng ah chiah nih lī-hāi.
PS.
2.
He sī chi̍t-ê ūn-tōng ê podcast, chú-chhî-jîn leh kóng lán chò siáⁿ tāi-chì beh sêng kong bô sian-tan miāu-io̍h, lóng sī ài chin phah-piàⁿ, per essere brava in qualsiasi mestiere ti devi fare un mazzo, anche per avere bel fisico, ci vuole lavorare pazzesco, góa thiaⁿ tio̍h ê tāi-khài sī án-neh ê lōe-iông.
Kî tiong tō sī "farsi un mazzo" sī góa m̄ bat ê. Góa ū chhōe kòe chi̍t-kóa bāng-chām, chai iáⁿ he tō sī leh kóng chi̍t-ê lâng khai chin chē sî-kan, chin chē kang-hu, chin chia̍h-la̍t, piàⁿ sìⁿ-miā leh chò chi̍t kiāⁿ tāi-chì. I ū 2-3 ê kóng hoat: "farsi il culo”, "farsi il mazzo”, "farsi un culo”, "farsi un mazzo”, mā ē tàng tī āu-bīn ka chi̍t-kóa sû lâi ka kiông, chhiūⁿ "quadrato”（sì-kak hêng）, "a tarallo”（tarallo hit hêng-ê）, "così”（jî chhú/án-neh）. Kî-tiong siōng chhù-bī ê góa kám-kak sī "quadrato" .
Góa khòaⁿ tio̍h chi̍t-ê lē-kù kóng：Mi son fatto un culo quadrato per rimettere a nuovo la mia macchina, ma ne è valsa la pena. （Sui-jiân góa piàⁿsìⁿ-miā hoan siu góa ê chhia, m̄ koh che mā sī chin sǹg ē hô-ê）Hit jī “quadrato” sī sì-kak hêng ê ì-sù, nā tùi jī bīn lâi khòaⁿ tō sī Góa piàⁿ kah kha-chhng piàn sì-kak hêng ê lâi hoan sin chhia......che iōng siūⁿ ê tō chin hó chhiò. I he kóng tō sī leh kiông tiāu chin piàⁿ, piàⁿ kah kha-chhng lóng piàn hêng ah chiah nih lī-hāi.
PS.
1.
"farsi un mazzo" ài siá i ê "verbo riflessivo"（chū hoán tōng sû-反身動詞）, nā bô "fare un mazzo" sī ū kî tha ê ì-sù, kî-tiong chi̍t tiâu tō sī khì hô͘ⁿ "thui" kah chin thiám.
2.
chòe kin ū chi̍t-ê kám sióng tō sī, lí nā sī beh hō͘ ka-kī ê gōa-gí chìn-pō͘, it tēng ài kah "Thiaⁿ ū lâng leh kóng siáⁿ" ê lêng-le̍k liān khí—lâi. In ūi thiaⁿ ē chheng, chiah ū pān-hoat kā lí thiaⁿ tio̍h ê mih-kiāⁿ kì--khí-lâi, chiah ē tàng thê lâi chhâ, thê lâi mn̄g lâng. Iah nā beh thiaⁿ ū/ thiaⁿ ē chheng pat lâng kóng-ê ōe, siú sian tō sī ài kā hoat-im o̍h hō͘ hó. Sui-jiân chin chē lâng kóng hoat-im bô hia-nih tiōng-iàu, m̄ bián jōa phiau-chún. M̄-koh lí nā bú bē chheng-chhó, tō ē kóng m̄ tio̍h, thiaⁿ m̄ tio̍h, ke chiok chē mâ hoân.
Commenti
Posta un commento