Sē 7 keng kàu-tn̂g sī beh chhòng siáⁿ？
Chêng kúi kang leh khòaⁿ Quora ê sî, khòaⁿ tio̍h chi̍t kù chhù bī ê ōe：“fare il giro delle sette chiese”.
Nā chū jī bīn lâi khòaⁿ, ì-sù sī Sē 7 keng kàu-tn̂g. Sē kúi lo keng kàu-tn̂g, nā iōng lán chia khah chia̍p khòaⁿ tio̍h ê sī biō, sē kúi nā keng biō sī beh chhòng siáⁿ neh？ lán pêng siông sî ē kiâⁿ biō, it poaⁿ sī chhoe i̍t cha̍p gō͘ khì pài-pài, bô tō sī ū tāi-chì khì sio chi̍t-ê hiuⁿ, mn̄g tāi-chì, nā bô tō sī khì koan kong ê sî chham koan tong tē sê biō. M̄ koh chi̍t ê kiâⁿ 7 keng kàu-tn̂g “fare il giro delle sette chiese” táu té sī leh kóng siáⁿ neh？
Chit ê sû, thiaⁿ kóng sī khí goân chū Tiong-sè-kí ê Roma ê chi̍t chióng sìn tô͘ ê thoân-thóng, hit sî in phó͘ phiàn ē khì kiâⁿ kúi--loh keng kàu-têng, ǹg bāng án-neh chò ka-kī ē tàng tī Siōng-Tè hiah tit tio̍h sià-bián. In ê chò hoat tō sī tī chi̍t kang lāi kiâⁿ oân tī Roma siâⁿ lāi ê 7 keng chú iàu ê tōa kàu-tn̂g, lō͘-tô͘ chóng kiōng 20km, kiâⁿ ê tông sî ài koh kî-tó kap liām si-phian, án-neh chiah ū hāu-kó. Thiaⁿ kóng tī Italia kok lāi kî tha chi̍t kóa siâⁿchhī mā ū chit chióng 「kiâⁿ biō」ê si̍p-koàn, sî kan it poan sī tī Hok-oa̍h-cheh kî kan, tī Jû-oa̍t-cheh（逾越節 3 ji̍t khèng tián/il triduo pasquale /dal Giovedì Santo al Sabato Santo), bô it-tēng ài tī chi̍t kang lāi oânsêng, iah mā m̄ sī ta̍k ê siâⁿchhī lóng ū hiah chē keng kàu tn̂g, só͘-í ū ê só͘-chāi kiâⁿ 3 keng, 5 keng tō hó.
Nā chū jī bīn lâi khòaⁿ, ì-sù sī Sē 7 keng kàu-tn̂g. Sē kúi lo keng kàu-tn̂g, nā iōng lán chia khah chia̍p khòaⁿ tio̍h ê sī biō, sē kúi nā keng biō sī beh chhòng siáⁿ neh？ lán pêng siông sî ē kiâⁿ biō, it poaⁿ sī chhoe i̍t cha̍p gō͘ khì pài-pài, bô tō sī ū tāi-chì khì sio chi̍t-ê hiuⁿ, mn̄g tāi-chì, nā bô tō sī khì koan kong ê sî chham koan tong tē sê biō. M̄ koh chi̍t ê kiâⁿ 7 keng kàu-tn̂g “fare il giro delle sette chiese” táu té sī leh kóng siáⁿ neh？
Chit ê sû, thiaⁿ kóng sī khí goân chū Tiong-sè-kí ê Roma ê chi̍t chióng sìn tô͘ ê thoân-thóng, hit sî in phó͘ phiàn ē khì kiâⁿ kúi--loh keng kàu-têng, ǹg bāng án-neh chò ka-kī ē tàng tī Siōng-Tè hiah tit tio̍h sià-bián. In ê chò hoat tō sī tī chi̍t kang lāi kiâⁿ oân tī Roma siâⁿ lāi ê 7 keng chú iàu ê tōa kàu-tn̂g, lō͘-tô͘ chóng kiōng 20km, kiâⁿ ê tông sî ài koh kî-tó kap liām si-phian, án-neh chiah ū hāu-kó. Thiaⁿ kóng tī Italia kok lāi kî tha chi̍t kóa siâⁿchhī mā ū chit chióng 「kiâⁿ biō」ê si̍p-koàn, sî kan it poan sī tī Hok-oa̍h-cheh kî kan, tī Jû-oa̍t-cheh（逾越節 3 ji̍t khèng tián/il triduo pasquale /dal Giovedì Santo al Sabato Santo), bô it-tēng ài tī chi̍t kang lāi oânsêng, iah mā m̄ sī ta̍k ê siâⁿchhī lóng ū hiah chē keng kàu tn̂g, só͘-í ū ê só͘-chāi kiâⁿ 3 keng, 5 keng tō hó.
Āu lâi, chi̍t ê ūi tio̍h beh tit tio̍h sià-bián hùi sî hùi kang ê tāi-chì, piàn chò chi̍t-ê sêng-gí, koàn iōng sû, iông lâi kóng lâng ūi tio̍h beh tat káu bó͘-mih bo̍k-te̍k, liáu sî liáu kang, ū sî lóng sī pe̍h liáu kang, bô chin pit iàu. Ì-sù m̄ sī chin chiàⁿ bīn.
PS.
chit phiⁿ leh kóng sī án-chóaⁿ kóng fare il giro delle sette chiese
tī chiah ē tàng khòaⁿ tio̍h tī Roma 7 keng kàu tn̂g ê ūi-tì https://en.wikipedia.org/wiki/Seven_Pilgrim_Churches_of_Rome#/media/File:Seven_Churches_of_Rome_-_Giacomo_Lauro_-_1599.jpg
Ū lâng kā che chò chhut iú-siaⁿ pán, thiaⁿ khòaⁿ mai：
Commenti
Posta un commento