舊記事
因為是舊ê記事，彼時我嘛猶未學寫台文，所以保留華文。彼是我佇MILANO上課ê記錄，我是學外國話會順soa̍h共怹寫字ê方式學--起來ê：
（...）我們的老師不只覺得我長得不像典型cinese，她還對我寫的字很好奇。因為教過許多cinese學生，她發現我是唯一寫字像義大利人的。她以為我是在義大利學的，我跟她説那是因為朋友幫我買了一套小學課本，裡面有教寫字，我跟著學了許多的關係。（...）
Dante Alighieri bô kóng hit kù ōe／Dante 無講彼句話
今á日（2024年7月8日）佇網路又koh看著頂擺一ê人講伊是學Italiano ê，伊有揣著彼句話ê原文，有人共講你若是學Italiano ê就應該去讀『但丁』原來所寫ê，予我想起彼時看著彼句話時所寫下的，彼時我是用白話字寫的，這馬來共翻作漢羅，重新看一擺。（保留原文無翻ê部分，因為會當佇出版品中揣到，我就無欲雞婆。） 2024/05/23 hoat-piáu ê : Chòe kīn kúi nî, kiàn nā ū tiōng-tāi ê chèng-tī sū-kiāⁿ hoat seng ê sî, tō ē ū lâng choán thoân chi̍t-kóa kóng sī bó͘-mih kó͘-chá lâng kóng ê ōe lâi piáu tap lán ê kám sióng, hia ê ōe, hia ê kó͘-chá lâng ê bêng-giân lóng chin ū tō-lí, m̄-koh lán mā bat khòaⁿ kòe che kî tiong mā ū bē chió sī āu-lâi ê lâng loān tàu, hia ê kó͘-chá lâng ū khó lêng kin-pún m̄-bat kòng kòe hia ê ōe. 最近幾年，kiàn若有重大ê政治事件發生ê時，就會有人轉傳一寡講是某某古早人講ê話來表達咱ê感想，遐ê話，遐ê古早人ê銘言攏真有道理，毋koh咱嘛bat看過這其中嘛有袂少是後來ê人亂湊，遐ê古早人有可能根本毋bat講過遐ê話。 Pí-lūn-kóng chòe kīn siōng tiāⁿ hō͘ lâng leh thoân ê chi̍t tōaⁿ ōe, tō kóng sī khai chhòng ITALIA bûn-gē-ho̍k-hin ê tōa jîn-bu̍t, mā sī hiān tāi italia pún thó͘ gí-giân ê khai-ki chiá ê 但丁（Dante Alighieri）ê bêng-giân："Tē-ga̍k lāi siōng joa̍h ê só͘-chái tō sī lâu hō͘ hia ê tī tiōng-iàu ê tō-tek gûi-ki chhu...
Commenti
Posta un commento